Yaathiri!!

அந்த ஒரு முத்தத்தை அதே போல மீண்டும் கொடுத்துக் கொள்ள முடியாதென்று தெரிந்த பிறகுதான் நாம் இதனைப் பிரிவென்று ஒப்புக்கொண்டோம். ---- அந்நியவர்களாகவே இருந்திருந்தால் அவ்வப்போதாவது பேசியிருப்போம். பேசுவதற்கு ஆயிரமிருந்தும் பிடிவாதமாகப் பேசாமலிருக்கும் இந்த அன்பிற்குள் நாம் சென்றிருக்கக் கூடாது. -- காதலாகிவிடும் கணங்களில் எல்லாம் வேறேதோ பேசிப்பேசி கவனமாகத் தவிர்த்துக் கடந்து வந்து கொண்டிருக்கிறோம். உன்னை நீயும் என்னை நானும் தெரிந்தே ஏமாற்றிக் கொள்கிறோம் எப்போதோ காதலாகிவிட்ட ஒன்றை நாம் நமக்குத் தெரியாமல் மறைக்க. -- அழைத்து தொந்தரவு செய்துவிடுவேன் என அஞ்சி உன் தொடர்பு எண்ணினை அழித்துவிட்டேன். பின்வரும் பெயரில்லா அழைப்புகள் எல்லாம் நீயாக இருந்துவிடக் கூடாதா என்று அலைக்கழியும் மனத்தை ஆற்றுப்படுத்ததான் ஆகவில்லை -- வேறு எங்காவது நீ நன்றாக இருப்பாய். வேறு எங்காவது நானும் நன்றாக இருப்பேன். ஆனாலும் நம்மைப் போல் வராது. சேர்ந்தே வாழ்ந்துவிடுவோம். -- பாதத்திற்கும் உன் உதட்டிற்கும் அறுபத்தியிரண்டு முத்தத் தொலைவு. --